"Yuventus" klubi yarim himoyachi Anxel Di Mariya bilan muzokaralar olib bormoqda. Biroq tomonlar futbolchining maoshi miqdori borasida haligacha kelisha olmayapti, deb xabar beradi Tuttosport.
Turin klubi 34 yoshli argentinalik futbolchiga 7 million yevro maosh bilan bir yillik shartnoma taklif qilmoqda. Futbolchi 7,5 million, shuningdek, mumkin bo‘lgan bonuslar ko‘rinishida yana 1,5 million olishni istamoqda.
Anxel Di Mariya o‘tgan mavsumda "PSJ" safida 26 ta o‘yinda maydonga tushib, 5 ta gol urdi va 7 ta golli uzatmani amalga oshirdi.
Yozda u klubni tekinga tark etadi.