"Ювентус" клуби ярим ҳимоячи Анхель Ди Мария билан музокаралар олиб бормоқда. Бироқ томонлар футболчининг маоши миқдори борасида ҳалигача келиша олмаяпти, деб хабар беради Tuttosport.
Турин клуби 34 ёшли аргентиналик футболчига 7 миллион евро маош билан бир йиллик шартнома таклиф қилмоқда. Футболчи 7,5 миллион, шунингдек, мумкин бўлган бонуслар кўринишида яна 1,5 миллион олишни истамоқда.
Анхель Ди Мария ўтган мавсумда "ПСЖ" сафида 26 та ўйинда майдонга тушиб, 5 та гол урди ва 7 та голли узатмани амалга оширди.
Ёзда у клубни текинга тарк этади.