"Arsenal" bosh murabbiyi Mikel Arteta yangi futbolchilar bilan shartnoma imzolashni kechiktirayotgan klub rahbariyatidan norozi va har bir kelishuvni shaxsan o‘zi ko‘rib chiqmoqchi.

Mutaxassis aynan shu sabab "Manchester Siti" hujumchisi Gabriel Jezusni qo‘ldan chiqarib yuborishidan xavotirda.

Nashrning yozishicha, ispaniyalik sobiq futbolchini transfer ishlaridagi harakat bezovta qilmoqda. Arteta tezroq yangi hujumchi olmoqchi. Biroq, "Arsenal"dagi har qanday yirik transfer amerikalik xo‘jayinlarning roziligini talab qiladi.

Mavsum yakuniga ko‘ra, "Arsenal" 69 ochko bilan APL turnir jadvalida 5-o‘rinni egalladi.