"Арсенал" бош мураббийи Микель Артета янги футболчилар билан шартнома имзолашни кечиктираётган клуб раҳбариятидан норози ва ҳар бир келишувни шахсан ўзи кўриб чиқмоқчи.
Мутахассис айнан шу сабаб "Манчестер Сити" ҳужумчиси Габриэл Жезусни қўлдан чиқариб юборишидан хавотирда.
Нашрнинг ёзишича, испаниялик собиқ футболчини трансфер ишларидаги ҳаракат безовта қилмоқда. Артета тезроқ янги ҳужумчи олмоқчи. Бироқ, "Арсенал"даги ҳар қандай йирик трансфер америкалик хўжайинларнинг розилигини талаб қилади.
Мавсум якунига кўра, "Арсенал" 69 очко билан АПЛ турнир жадвалида 5-ўринни эгаллади.
