Futbol agenti Joannis Kukurtrigas o‘zining mijozi, "Arsenal" darvozaboni Bernd Lenoni "Fulxem"ga o‘tkazish bo‘yicha muzokaralar olib borayotganini tasdiqladi.
Bu haqda Bild nashri xabar berdi. Agentning fikricha, Leno hali ham "Arsenal"da qolishi ehtimoli bor.
30 yoshli Bernd Leno "kanonirlar"ning zaxira darvozaboni hisoblanadi. O‘tgan mavsumda u 8 ta o‘yin o‘tkazib, 11 ta gol o‘tkazib yuborgan. Uning shartnomasi 2023 yilning yoziga qadar mo‘ljallangan va transfer narxi 10 million yevroga baholanmoqda.