13 iyun, dushanba kuni Millatlar ligasi 3-turi doirasidagi Fransiya hamda Xorvatiya terma jamoalari o‘rtasidagi uchrashuv bo‘lib o‘tdi. Uchrashuv xorvatlarning 1:0 hisobidagi g‘alabasi bilan yakunlandi.
Ushbu o‘yindan so‘ng Fransiya pley-off yo‘llanmasini qo‘ldan boy berdi. "Uch-ranglilar" guruh peshqadami Daniyadan 7 ochko ortda qolib, 2 ochko bilan oxirgi o‘rinda bormoqda.
Shu tariqa Fransiya Millatlar ligasi chempionligi unvonini himoya qilish imkoniyatidan mahrum bo‘ldi. Qolaversa, fransuzlar 4 ochko bilan uchinchi o‘rindagi Avstriyaga imkoniyatni boy bersa, B ligasiga tushib qolish xavfi bor.
