13 июнь, душанба куни Миллатлар лигаси 3-тури доирасидаги Франция ҳамда Хорватия терма жамоалари ўртасидаги учрашув бўлиб ўтди. Учрашув хорватларнинг 1:0 ҳисобидаги ғалабаси билан якунланди.
Ушбу ўйиндан сўнг Франция плей-офф йўлланмасини қўлдан бой берди. "Уч-ранглилар" гуруҳ пешқадами Даниядан 7 очко ортда қолиб, 2 очко билан охирги ўринда бормоқда.
Шу тариқа Франция Миллатлар лигаси чемпионлиги унвонини ҳимоя қилиш имкониятидан маҳрум бўлди. Қолаверса, французлар 4 очко билан учинчи ўриндаги Австрияга имкониятни бой берса, B лигасига тушиб қолиш хавфи бор.
