"PSJ" bosh murabbiy Maurisio Pochettino bilan shartnomani bekor qilish borasida kelishuvga erishdi. Bu haqda rasman shu hafta e’lon qilinadi, deya xabar beradi Le Parisen.

Avvalroq, murabbiyning iste’fosi sababi ma’lum bo‘lgandi. "PSJ" so‘nggi Chempionlar ligasida yomon o‘yin ko‘rsatgani uchun Pochettinodan qutulishga qaror qildi. Parij jamoasi 1/8 final bosqichida turnirning bo‘lajak g‘olibi "Real Madrid"ga umumiy ikki o‘yin hisobida mag‘lub bo‘ldi.

Argentinalik mutaxassisning "PSJ" bilan shartnomasi 2023 yilgacha mo‘ljallangan. Pochettinoning ketishi hali rasmiylashtirilmagan, ammo klub allaqachon uning o‘rniga yangi murabbiy izlamoqda.

Avvalroq, jamoani sport direktori Leonardo tark etgandi, uning vazifalarini Luis Kampush bajaradi.