"ПСЖ" бош мураббий Маурисио Почеттино билан шартномани бекор қилиш борасида келишувга эришди. Бу ҳақда расман шу ҳафта эълон қилинади, дея хабар беради Le Parisen.
Аввалроқ, мураббийнинг истеъфоси сабаби маълум бўлганди. "ПСЖ" сўнгги Чемпионлар лигасида ёмон ўйин кўрсатгани учун Почеттинодан қутулишга қарор қилди. Париж жамоаси 1/8 финал босқичида турнирнинг бўлажак ғолиби "Реал Мадрид"га умумий икки ўйин ҳисобида мағлуб бўлди.
Аргентиналик мутахассиснинг "ПСЖ" билан шартномаси 2023 йилгача мўлжалланган. Почеттинонинг кетиши ҳали расмийлаштирилмаган, аммо клуб аллақачон унинг ўрнига янги мураббий изламоқда.
Аввалроқ, жамоани спорт директори Леонардо тарк этганди, унинг вазифаларини Луис Кампуш бажаради.
