Record xabariga ko‘ra, "Manchester Yunayted" "Portu" yarim himoyachisi Vitinyani sotib olish bo‘yicha muzokaralar olib bormoqda.

Manba bergan xabarga ko‘ra, 22 yoshli portugaliyalik uchun "qizil iblislar" asosiy da’vogar bo‘lib turibdi. Futbolchining o‘zi klubini o‘zgartirishga tayyor va Angliya chempionatini ustuvor variant deb biladi.

Yarim himoyachining “Portu” bilan shartnomasida tovon puli 40 million yevroni tashkil etadi.

2021/22-yilgi mavsumda Vitinya “Portu” safida 47 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt.com portali futbolchining narxini 30 million yevroga baholamoqda.