Record хабарига кўра, "Манчестер Юнайтед" "Порту" ярим ҳимоячиси Витиньяни сотиб олиш бўйича музокаралар олиб бормоқда.
Манба берган хабарга кўра, 22 ёшли португалиялик учун "қизил иблислар" асосий даъвогар бўлиб турибди. Футболчининг ўзи клубини ўзгартиришга тайёр ва Англия чемпионатини устувор вариант деб билади.
Ярим ҳимоячининг “Порту” билан шартномасида товон пули 40 миллион еврони ташкил этади.
2021/22-йилги мавсумда Витиня “Порту” сафида 47 та ўйинда майдонга тушиб, 4 та гол урди ва 5 та голли узатмани амалга оширди. Transfermarkt.com портали футболчининг нархини 30 миллион еврога баҳоламоқда.