Turinning “Yuventus” klubi Doneskning “Shaxtyor” klubining braziliyalik yarim himoyachisi David Neresni sotib olmoqchi, deb xabar bermoqda Blasting News.
Manbaga ko‘ra, Italiya klubi futbolchi uchun 10 million yevro taklif qilgan. Biroq “Shaxtyor” futbolchi uchun 15 million olmoqchi. Braziliyalik futbolchiga "Benfika" ham qiziqish bildirmoqda.
25 yoshli Neres “Shaxtyor”ga 2022 yilning yanvarida “Ayaks”dan 12 million yevro evaziga o‘tgan. Ukraina klubi uchun u birorta ham rasmiy o‘yin o‘tkazmagan.