Туриннинг “Ювентус” клуби Донецкнинг “Шахтёр” клубининг бразилиялик ярим ҳимоячиси Давид Нересни сотиб олмоқчи, деб хабар бермоқда Blasting News.
Манбага кўра, Италия клуби футболчи учун 10 миллион евро таклиф қилган. Бироқ “Шахтёр” футболчи учун 15 миллион олмоқчи. Бразилиялик футболчига "Бенфика" ҳам қизиқиш билдирмоқда.
25 ёшли Нерес “Шахтёр”га 2022 йилнинг январида “Аякс”дан 12 миллион евро эвазига ўтган. Украина клуби учун у бирорта ҳам расмий ўйин ўтказмаган.