"Barselona" yarim himoyachisi Frenki de Yong "Manchester Yunayted"ga o‘tishga yaqin turibdi, deb yozdi Nikolo Skira.
25 yoshli futbolchi britaniyaliklar bilan 2027 yilgacha shartnoma imzolashga rozi bo‘ldi. Endi "qizil iblislar" OAV xabariga ko‘ra, 80 million yevro olmoqchi bo‘lgan "Barselona" bilan transfer summasini kelishib olishlari kerak.
De Yong o‘tgan mavsumda kataloniyaliklar safida 46 ta o‘yinda 4 ta gol urdi va 5 ta golga assistentlik qildi. U 2019 yilning yozida "Ayaks"dan "Barselona"ga o‘tgan edi.