"Chelsi" "Yuventus" markaziy himoyachisi Merix Demiralga qiziqish bildirmoqda.
Calciomercato xabariga ko‘ra, klub yarim himoyachi Jorjinyoni 24 yoshli Demiralga almashishga tayyor.
Turk futbolchisi o‘tgan mavsumni "Atalanta"da ijarada o‘tkazdi, bergamoliklar uni 18 million yevroga sotib olish variantidan foydalanmaslikka qaror qildi. Shuningdek, "Yuventus" bosh murabbiyi Allegri ham uni o‘z rejalarining bir qismi sifatida ko‘rmaydi.
Demiral “Atalanta” safida barcha musobaqalarda 42 ta o‘yinda maydonga tushib, 2 ta gol va 3 ta golli uzatmani amalga oshirgan. Transfermarkt portali futbolchini 25 million yevroga baholamoqda.
