"Manchester Siti" "Lids" yarim himoyachisi Kalvin Fillipsni o‘z safiga qo‘shib olmoqchi, deya xabar beradi The Athletic.

Manbaga ko‘ra, "shaharliklar" tez orada 26 yoshli angliyalik uchun rasmiy taklif bilan chiqishadi.

Shu bilan birga, "Manchester Siti" "Lids" yarim himoyachini 45-50 million funt sterlingga sotishga rozi bo‘lishiga ishonmoqda.

Qayd etilishicha, yarim himoyachi Fernandinyo ketganidan so‘ng, "Man Siti" bosh murabbiyi Xosep Gvardiola jamoada yarim himoyachi Rodri bilan raqobatlasha oladigan futbolchini jamoada ko‘rmoqchi.

O‘tgan mavsumda Fillips “Lids” safida 23 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Yarim himoyachining klub bilan shartnomasi 2024 yilning 30 iyuniga qadar mo‘ljallangan.