"Chelsi" hujumchisi Romelu Lukaku A Seriyaga qaytishi mumkin. Jurnalist Fabrisio Romano xabariga ko‘ra, "Inter" belgiyalik futbolchini ijaraga olish uchun 5 million yevrolik birinchi taklifni bildirgan. "Chelsi" bu taklifni rad etdi.
Eslatib o‘tamiz, belgiyalik futbolchi 2021/22 yilgi mavsum oldidan "Chelsi"ga qaytgandi. London klubi "Inter"ga 97,5 million funt to‘lagan.
Romelu o‘tgan mavsumda londonliklar safida barcha turnirlarda 44 o‘yinda 15 ta gol urdi va 2 ta golli uzatmani amalga oshirdi. Hujumchining klub bilan shartnomasi 2026 yilning 30 iyuniga qadar mo‘ljallangan.
