"Челси" ҳужумчиси Ромелу Лукаку А Серияга қайтиши мумкин. Журналист Фабрицио Романо хабарига кўра, "Интер" бельгиялик футболчини ижарага олиш учун 5 миллион евролик биринчи таклифни билдирган. "Челси" бу таклифни рад этди.
Эслатиб ўтамиз, бельгиялик футболчи 2021/22 йилги мавсум олдидан "Челси"га қайтганди. Лондон клуби "Интер"га 97,5 миллион фунт тўлаган.
Ромелу ўтган мавсумда лондонликлар сафида барча турнирларда 44 ўйинда 15 та гол урди ва 2 та голли узатмани амалга оширди. Ҳужумчининг клуб билан шартномаси 2026 йилнинг 30 июнига қадар мўлжалланган.
