O‘zbekistonning 5 karra eng yaxshi murabbiyi, “Nasaf” klubini muvaffaqiyatli tarzda boshqarib kelayotgan Ro‘ziqul Berdiyev ham “Andijon” klubi o‘yinlarini kuzatib kelmoqda. Tajribali mutaxassis “Burgutlar” xususidagi o‘z fikrlarini “Andijon” matbuot xizmatiga quyidagicha ifodaladi:

“Andijon” jamoasini Superliga musobaqalarida qatnashishiga ko‘nikib qolgandik. Juda esda qolarli vaziyat shu bo‘lardiki, Andijonga borganimizda doim stadionda ajoyib muhit hukmronlik qilardi. Fan-klubning tashkilotchiligi, muxlislarning tashrifi va ularning “Andijon”ni qo‘llab-quvvatlashi bizga ham ma’qul kelardi. Shuning uchun Andijonda futbol muhitida o‘ynash juda qiziq bo‘lardi.

“Andijon” klubiga o‘z oldiga qo‘yilgan maqsadiga erishib, Superliga kurashishida omad tilab qolaman. Chunki Andijon yetakchi shaharlardan biri hisoblanadi.

Boya aytganimdek, bu jamoani Superligada ko‘rishga odatlangandik. Andijondan ko‘plab yaxshi o‘yinchilar chiqqan, muxlislari ajoyib. Shu sababli kelasi yili ushbu klubni Superligada ko‘ramiz, deb umid qilaman va muvaffaqiyat tilayman", - deydi Ro‘ziqul Berdiyev.

“Andijon” matbuot xizmati.