Turinning "Yuventus" klubi "Napoli"ning senegallik himoyachisi Kalidu Kulibaliga qiziqish bildirmoqda, deb xabar beradi Tuttosport.

Manbaning xabariga ko‘ra, Turin klubi futbolchini yozgi transfer oynasida sotib olish variantini ko‘rib chiqmoqda. "Napoli" ham Kulibalini sotishga rozi bo‘lishi mumkin, chunki uning shartnomasi bir yildan keyin tugaydi.

Avvalroq afrikalik futbolchiga "Barselona" qiziqish bildirayotgani haqida xabar berilgandi.

30 yoshli Kalidu o‘tgan mavsumda "Napoli" safida barcha turnirlarda 34 ta o‘yinda maydonga tushib, 3 ta gol urdi va 3 ta golga assistentlik qildi.