Туриннинг "Ювентус" клуби "Наполи"нинг сенегаллик ҳимоячиси Калиду Кулибалига қизиқиш билдирмоқда, деб хабар беради Tuttosport.
Манбанинг хабарига кўра, Турин клуби футболчини ёзги трансфер ойнасида сотиб олиш вариантини кўриб чиқмоқда. "Наполи" ҳам Кулибалини сотишга рози бўлиши мумкин, чунки унинг шартномаси бир йилдан кейин тугайди.
Аввалроқ африкалик футболчига "Барселона" қизиқиш билдираётгани ҳақида хабар берилганди.
30 ёшли Калиду ўтган мавсумда "Наполи" сафида барча турнирларда 34 та ўйинда майдонга тушиб, 3 та гол урди ва 3 та голга ассистентлик қилди.
