"Inter" "PSJ"ning himoyachi Milan Shkrinyar borasidagi taklifini rad etdi. Fabrisio Romanoning so‘zlariga ko‘ra, parijliklar klubi 27 yoshli slovakiyalik uchun 50 million yevro to‘lashga, shuningdek, o‘z futbolchisini shartnomaga qo‘shishga tayyor edi, biroq rad javobi berilgan.

Milan klubi 80 million yevrodan kam takliflarni ko‘rib chiqishga tayyor emas. Muzokaralar davom etadi.

Oldinroq italyan klubi Shkrinyarga 2026 yilgacha mo‘ljallangan yangi shartnoma taklif qilgani xabar qilingandi. Bunda futbolchining maoshi bonuslarni hisobga olmaganda mavsum uchun 4,5 million yevroni tashkil qiladi.

2021/22 yilgi mavsumda Shkrinyar jamoasi safida 48 ta o‘yinda maydonga tushib, 4 ta gol urgan. Himoyachining klub bilan amaldagi shartnomasi 2023 yilning iyun oyi oxirigacha amal qiladi.