"Интер" "ПСЖ"нинг ҳимоячи Милан Шкриньяр борасидаги таклифини рад этди. Фабрицио Романонинг сўзларига кўра, парижликлар клуби 27 ёшли словакиялик учун 50 миллион евро тўлашга, шунингдек, ўз футболчисини шартномага қўшишга тайёр эди, бироқ рад жавоби берилган.

Милан клуби 80 миллион евродан кам таклифларни кўриб чиқишга тайёр эмас. Музокаралар давом этади.

Олдинроқ итальян клуби Шкриньярга 2026 йилгача мўлжалланган янги шартнома таклиф қилгани хабар қилинганди. Бунда футболчининг маоши бонусларни ҳисобга олмаганда мавсум учун 4,5 миллион еврони ташкил қилади.

2021/22 йилги мавсумда Шкриньяр жамоаси сафида 48 та ўйинда майдонга тушиб, 4 та гол урган. Ҳимоячининг клуб билан амалдаги шартномаси 2023 йилнинг июнь ойи охиригача амал қилади.