"Arsenal" hujumchisi Edvard Nketia ingliz klubi bilan shartnomasini uzaytirishga yaqin turibdi. Bu haqda insayder Fabrisio Romano ijtimoiy tarmoqlari orqali ma’lum qildi.
"Klub Nketianing shartnoma imzolashini kutmoqda. Muammo yo‘q, kelishuv yaqin kunlarda yakunlanadi. Bu vaqt masalasi", deb yozadi jurnalist.
23 yoshli hujumchi “kanonirlar” safida 2021 yilning yanvar oyidan buyon to‘p tepadi. Uning amaldagi shartnomasi shu oy oxirida yakuniga yetadi.
Hujumchi o‘tgan mavsumda chempionatning 21 o‘yinida 5 ta gol urdi.
