Myunxenning «Bavariya» klubi «Liverpul» hujumchisi Sadio Mane bilan kelishuvga erishdi.

The Times jurnalisti Pol Joys so‘zlariga ko‘ra, nemislar sport direktori Hasan Salihamidjich boshchiligidagi so‘nggi muzokaralar muvaffaqiyatli yakunlangan.

Bitim summasi 35 million yevroni tashkil qilishi kerak. Manening o‘zi bir necha bor «Bavariya»ga o‘tish istagini bildirgan.

Senegallikning transferi Robert Levandovskining «Barselona»ga o‘tishini tezlashtirishi mumkin.

Manening «Liverpul» bilan shartnomasi keyingi mavsum oxirida yakuniga yetadi. Shuning uchun mersisaydliklar uni arzon narxga sotishga tayyor.