Мюнхеннинг «Бавария» клуби «Ливерпуль» ҳужумчиси Садио Мане билан келишувга эришди.
The Times журналисти Пол Жойс сўзларига кўра, немислар спорт директори Ҳасан Салиҳамиджич бошчилигидаги сўнгги музокаралар муваффақиятли якунланган.
Битим суммаси 35 миллион еврони ташкил қилиши керак. Маненинг ўзи бир неча бор «Бавария»га ўтиш истагини билдирган.
Сенегалликнинг трансфери Роберт Левандовскининг «Барселона»га ўтишини тезлаштириши мумкин.
Маненинг «Ливерпуль» билан шартномаси кейинги мавсум охирида якунига етади. Шунинг учун мерсисайдликлар уни арзон нархга сотишга тайёр.
