"Liverpul" hujumchisi Sadio Mane "Bavariya" futbolchisiga aylanadi. 30 yoshli senegallik kelasi hafta tibbiy ko‘rikdan o‘tadi, shundan so‘ng uning Myunxen klubiga o‘tishi rasmiylashtiriladi, deb xabar beradi The Times.
Klub vingerning transfer shartlarini kelishib olgan. Avvalroq Mane Germaniya chempioni bilan 3 yillik shartnoma imzolashi haqida xabarlar tarqalgan edi.
Sadio Mane "Liverpul"da 2016 yildan beri to‘p tepadi va uning shartnomasi 2023 yilning 30 iyunida tugaydi.
O‘tgan mavsumda u "qizillar" safida barcha musobaqalarda 51 ta o‘yinda maydonga tushib, 23 ta gol urdi va 5 ta golli uzatmani amalga oshirdi.