"Ливерпуль" ҳужумчиси Садио Мане "Бавария" футболчисига айланади. 30 ёшли сенегаллик келаси ҳафта тиббий кўрикдан ўтади, шундан сўнг унинг Мюнхен клубига ўтиши расмийлаштирилади, деб хабар беради The Times.
Клуб вингернинг трансфер шартларини келишиб олган. Аввалроқ Мане Германия чемпиони билан 3 йиллик шартнома имзолаши ҳақида хабарлар тарқалган эди.
Садио Мане "Ливерпуль"да 2016 йилдан бери тўп тепади ва унинг шартномаси 2023 йилнинг 30 июнида тугайди.
Ўтган мавсумда у "қизиллар" сафида барча мусобақаларда 51 та ўйинда майдонга тушиб, 23 та гол урди ва 5 та голли узатмани амалга оширди.
