Markaziy himoyachi Merix Demiral "Atalanta" safiga to‘liq qo‘shilishga yaqin turibdi.
24 yoshli turk futbolchi so‘nggi mavsumni Bergamo klubida ijara asosida o‘tkazdi. Shartnomada "Atalanta" undan foydalanishni rejalashtirmagandi, ammo vaziyat o‘zgargan.
Insayder Fabrisio Romanoning so‘zlariga ko‘ra, bergamoliklar rahbariyati yaqin vaqt ichida Demiralning to‘liq transferini amalga oshirishga qaror qilgan. Bitim qiymati 20 million yevrodan sal ko‘proqni tashkil qiladi.
Merix Demiral "Atalanta" safida barcha musobaqalar doirasida 42 ta o‘yin o‘tkazib, 2 ta gol va 3 ta golli uzatmaga mualliflik qilgan.
