Usmon Dembele "Barselona"da qolishini aytdi.
Kataloniya jamoasining 25 yoshli vingeri svetoforda uchrashib qolgan muxlislardan birining bir nechta savollariga qisqacha javob qaytardi.
Fransiyalik futbolchi "Barsa"da qolasizmi, degan savolga "ha" deb javob berdi va "Chelsi"ga o‘tishi mumkinligi haqidagi gaplarni "shunchaki mish-mish" deb atadi. Dembele ham "Barselona"da o‘zini qulay his qilishini ta’kidladi.
Futbolchining klub bilan amaldagi shartnomasi iyun oyi oxirida yakuniga yetadi. Avvalroq u yangi shartnoma shartlari bo‘yicha kelisha olmagani xabar qilingandi.