Усмон Дембеле "Барселона"да қолишини айтди.
Каталония жамоасининг 25 ёшли вингери светофорда учрашиб қолган мухлислардан бирининг бир нечта саволларига қисқача жавоб қайтарди.
Франциялик футболчи "Барса"да қоласизми, деган саволга "ҳа" деб жавоб берди ва "Челси"га ўтиши мумкинлиги ҳақидаги гапларни "шунчаки миш-миш" деб атади. Дембеле ҳам "Барселона"да ўзини қулай ҳис қилишини таъкидлади.
Футболчининг клуб билан амалдаги шартномаси июнь ойи охирида якунига етади. Аввалроқ у янги шартнома шартлари бўйича келиша олмагани хабар қилинганди.