Jurnalist Fabrisio Romanoning ta’kidlashicha, Oleksandr Zinchenko yozda "Manchester Siti" lagerini albatta tark etadi.
"Siti" "Brayton" himoyachisi Mark Kukurelyani o‘z safiga qo‘shib olmoqchi. Ispaniyalik futbolchi ukrainalik futbolchi bilan pozisiya bo‘yicha raqobatlashadi, shuning uchun Oleksandr sotiladi.
Qayd etilishicha, “Everton” Zinchenkoni sotib olishni maqsad qilgan. Avvalroq ukrainalik "Manchester Siti"ni tark etish haqida o‘ylab ko‘rishga tayyorligi ma’lum bo‘lgandi.
Zinchenkoning "Siti" bilan shartnomasi 2024 yilning yoziga qadar amal qiladi.
O‘tgan mavsumda himoyachi "shaharliklar" safida barcha musobaqalarda 28 ta o‘yinda maydonga tushib, 5 ta golli uzatmani amalga oshirgan.