Журналист Фабрицио Романонинг таъкидлашича, Олександр Зинченко ёзда "Манчестер Сити" лагерини албатта тарк этади.
"Сити" "Брайтон" ҳимоячиси Марк Кукурельяни ўз сафига қўшиб олмоқчи. Испаниялик футболчи украиналик футболчи билан позиция бўйича рақобатлашади, шунинг учун Олександр сотилади.
Қайд этилишича, “Эвертон” Зинченкони сотиб олишни мақсад қилган. Аввалроқ украиналик "Манчестер Сити"ни тарк этиш ҳақида ўйлаб кўришга тайёрлиги маълум бўлганди.
Зинченконинг "Сити" билан шартномаси 2024 йилнинг ёзига қадар амал қилади.
Ўтган мавсумда ҳимоячи "шаҳарликлар" сафида барча мусобақаларда 28 та ўйинда майдонга тушиб, 5 та голли узатмани амалга оширган.