"Liverpul" himoyachisi Neko Uilyams "Nottingem Forest"ga o‘tishi mumkin, deb xabar beradi The Mirror.
Manbaga ko‘ra, "o‘rmonchilar" 21 yoshli uelslik futbolchini keyingi mavsum uchun ijaraga olmoqchi. "Liverpul" bu kelishuvni ko‘rib chiqishga tayyor, chunki futbolchi boshqa jamoada ko‘proq o‘yin amaliyotiga ega bo‘ladi.
Uilyams 2021/22 yilgi mavsumning ikkinchi yarmini ijara asosida "Fulxem"da o‘tkazdi. U jamoa safida 15 o‘yinda 2 gol va 2 golli uzatmani amalga oshirdi.