"Tottenxem" "Ayntraxt" himoyachisi Evan Ndika uchun kurashda peshqadamlik qilmoqda, deya xabar beradi Foot Mercato.
Manbaga ko‘ra, 22 yoshli futbolchiga "Marsel" ham qiziqish bildirgan, ammo u tez orada Premyer-liga klubiga o‘tishi mumkin.
Eslatib o‘tamiz, Frankfurt klubi joriy mavsumda finalda “Reynjers”ni mag‘lub etib, Yevropa ligasida g‘olib chiqdi.
Ndika 2021/22-yilgi mavsumda “Ayntraxt” safida barcha musobaqalarda 44 ta o‘yinda 4 ta gol urdi va 4 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar mo‘ljallangan.