"Arsenal" "Manchester Siti" hujumchisi Gabriel Jezus va "Ayaks" himoyachisi Lisandro Martinesni tezroq o‘z safiga qo‘shib olmoqchi va ikkala futbolchining transferlari uchun umumiy miqdorda 85 million yevrodan kechishga shay, deya xabar berdi Daily Sport.
"Siti" avvalroq "kanonirlar"ning Gabriel Jezus uchun 40 million yevrolik taklifini rad etgandi. Ammo hozirda "Arsenal" 25 yoshli forvardning 50 million yevroga yaqin summaga transferi bo‘yicha kelishib olishga yaqin ekani qayd etilgan.
"To‘pchilar" "Ayaks"ning 24 yoshli markaziy himoyachisi Lisandro Martines uchun 29 million yevrolik taklifi ham rad etilgani haqida xabarlar tarqalgan edi. Endi London klubi Niderlandiya chempioniga 35 million yevro taklif qilmoqchi.
Avvalroq, "Arsenal" "Portu" bilan 22 yoshli yarim himoyachi Fabio Viyeyra transferi borasida kelishib olgandi.