"Арсенал" "Манчестер Сити" ҳужумчиси Габриэл Жезус ва "Аякс" ҳимоячиси Лисандро Мартинесни тезроқ ўз сафига қўшиб олмоқчи ва иккала футболчининг трансферлари учун умумий миқдорда 85 миллион евродан кечишга шай, дея хабар берди Daily Sport.
"Сити" аввалроқ "канонирлар"нинг Габриэл Жезус учун 40 миллион евролик таклифини рад этганди. Аммо ҳозирда "Арсенал" 25 ёшли форварднинг 50 миллион еврога яқин суммага трансфери бўйича келишиб олишга яқин экани қайд этилган.
"Тўпчилар" "Аякс"нинг 24 ёшли марказий ҳимоячиси Лисандро Мартинес учун 29 миллион евролик таклифи ҳам рад этилгани ҳақида хабарлар тарқалган эди. Энди Лондон клуби Нидерландия чемпионига 35 миллион евро таклиф қилмоқчи.
Аввалроқ, "Арсенал" "Порту" билан 22 ёшли ярим ҳимоячи Фабио Виейра трансфери борасида келишиб олганди.