“Yuventus” Frankfurtning “Ayntraxt” klubi yarim himoyachisi Filip Kostichni sotib olishga yaqin turibdi. Bu haqda Sport1 xabar bermoqda.
Qayd etilishicha, klub futbolchi bilan shaxsiy kelishuvga erishgan. Shartnoma 2025 yilgacha mo‘ljallangan bo‘lib, u mavsumiga 2,5 million maosh oladi.
"Yuventus" transfer narxi borasida so‘nggi tafsilotlarni hal qilishi kerak. Nemis klubi 20 million yevro so‘rayapti, "Yuve" 12,5 million sarflashga tayyor. Yakuniy summa 18 million bo‘lishi mumkin.
Eslatib o‘tamiz, Kostich “Ayntraxt” bilan birgalikda finalda “Reynjers”ni penaltilar seriyasida mag‘lub etib, Yevropa Ligasi-2022 g‘olibiga aylandi.