“Ювентус” Франкфуртнинг “Айнтрахт” клуби ярим ҳимоячиси Филип Костични сотиб олишга яқин турибди. Бу ҳақда Sport1 хабар бермоқда.
Қайд этилишича, клуб футболчи билан шахсий келишувга эришган. Шартнома 2025 йилгача мўлжалланган бўлиб, у мавсумига 2,5 миллион маош олади.
"Ювентус" трансфер нархи борасида сўнгги тафсилотларни ҳал қилиши керак. Немис клуби 20 миллион евро сўраяпти, "Юве" 12,5 миллион сарфлашга тайёр. Якуний сумма 18 миллион бўлиши мумкин.
Эслатиб ўтамиз, Костич “Айнтрахт” билан биргаликда финалда “Рейнжерс”ни пенальтилар сериясида мағлуб этиб, Европа Лигаси-2022 ғолибига айланди.