Mayamining “Inter” klubini argentinalik hujumchisi Gonsalo Iguain tez orada faoliyatini yakunlashi mumkinligi haqidagi xabarlarni rad etdi.

"Faoliyatimda katta muvaffaqiyatlarga erishdim, lekin hammasini eslayman. Hatto 19 yoshda bo‘lsam ham, Roberto Karlos meni "Real"da qanday kutib olganini eslayman. Faoliyatim davomida ko‘plab buyuk chempionlar bilan yo‘lim kesishgan: Ronaldino, Dibala. Bu yigitlar bilan o‘ynash menga juda omadli keldi. Faoliyatimni yakunlashni rejalashtirmayapman. Menda rag‘batlar va maydonda o‘z maqsadlarimga erishish istagi bor. Futbolning menga bergan his-tuyg‘ulari yoqadi”, — dedi Iguain Sky Italia bilan suhbatda.

34 yoshli Iguain joriy mavsumda “Inter Mayami” safida barcha musobaqalarda 12 ta o‘yinda maydonga tushib, 2 ta gol urdi va bitta golli uzatmani amalga oshirdi. Uning klub bilan shartnomasi 2022 yilning 31 dekabrigacha amal qiladi.