Kecha, 19 iyun kuni O‘zbekistonda o‘z yakuniga yetgan U-23 Osiyo chempionatining eng qimmat terma jamoalari reytingi e’lon qilindi. Transfermarkt portali turnirda ishtirok etgan jamoalardagi futbolchilarning umumiy narxlarini hisoblab, ularning jami summasini ma;lum qildi.

Ushbu reytingda Janubiy Koreya U-23 terma jamoasi yaqqol yetakchilik qilmoqda. Koreyslarning tarkibi 15,9 million yevroga baholangan. Ikkinchi o‘rinni Yaponiya yoshlari egallagan. Yaponiya tarkibida harakat qilgan futbolchilarning umumiy narxi 6,5 million yevroni tashkil etgan. Kuchli uchlikka musobaqa g‘olibligini qo‘lga kiritgan Saudiya Arabistoni U-23 termasi yakun yasab bergan. Saudiyalik futbolchilarning taxminiy qiymati 6,1 million yevro etib belgilangan. Osiyo chempionatida finalgacha yetib borgan O‘zbekiston U-23 terma jamoasi esa 4,9 million yevroga baholanib, ushbu reytingda 5-o‘rinni egallagan.

Osiyo chempionatining qimmat tarkibga ega jamoalari bilan tanishing:

Janubiy Koreya — 15,9 million yevro;

Yaponiya — 6,5 mln yevro;

Saudiya Arabistoni — 6,1 mln yevro;

Avstraliya — 5,8 mln yevro;

O‘zbekiston — 4,9 mln yevro;

Eron — 4,7 mln yevro;

BAA — 4,6 mln yevro;

Tojikiston — 3,7 mln yevro;

Qatar — 3,5 mln yevro;

Tailand — 3,2 mln yevro.