"River Pleyt" yarim himoyachisi Enso Fernandes "Milan" e’tiboriga tushdi. Bu haqda Calciomercato xabar berdi.
Manbaga ko‘ra, 21 yoshli argentinalik futbolchi Renatu Sansheshga muqobil variant sifatida ko‘rilmoqda.
Shuningdek, "River Pleyt" futbolchisiga Portugaliyaning "Benfika" klubi qiziqish bildirayotgani qayd etilgan.
Ma’lum qilinishicha, Argentina klubi futbolchini sotib olish bandini, ya’ni 25 million yevroni kimdir faollashtirsa, u bilan xayrlashishga majbur bo‘ladi.
Enso Fernandes joriy mavsum “River Pleyt” safida barcha musobaqalarda 25 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Uning Argentina klubi bilan shartnomasi 2025 yilning 31 dekabriga qadar tuzilgan.