"Ривер Плейт" ярим ҳимоячиси Энцо Фернандес "Милан" эътиборига тушди. Бу ҳақда Calciomercato хабар берди.
Манбага кўра, 21 ёшли аргентиналик футболчи Ренату Саншешга муқобил вариант сифатида кўрилмоқда.
Шунингдек, "Ривер Плейт" футболчисига Португалиянинг "Бенфика" клуби қизиқиш билдираётгани қайд этилган.
Маълум қилинишича, Аргентина клуби футболчини сотиб олиш бандини, яъни 25 миллион еврони кимдир фаоллаштирса, у билан хайрлашишга мажбур бўлади.
Энсо Фернандес жорий мавсум “Ривер Плейт” сафида барча мусобақаларда 25 та ўйинда майдонга тушиб, 10 та гол урди ва 6 та голли узатмани амалга оширди. Унинг Аргентина клуби билан шартномаси 2025 йилнинг 31 декабрига қадар тузилган.
