"Chelsi" hujumchisi Romelu Lukaku "Inter"ga ijaraga berildi, deya xabar beradi jurnalist Fabrisio Romano.

Manbaga ko‘ra, 29 yoshli belgiyalik kelasi haftada Milanda tibbiy ko‘rikdan o‘tadi. Qayd etilishicha, “Inter” ijara uchun 8 million yevro to‘laydi, “Chelsi” yana 4 million yevroni bonus sifatida olishi mumkin.

Lukakuning o‘zi maoshini yiliga 12 million yevrodan 8 million yevrogacha kamaytirishga rozi bo‘lgan.

2021/22 yilgi mavsumda hujumchi “Chelsi” safida barcha turnirlar doirasida 42 ta o‘yinda maydonga tushib, 13 ta gol urdi va 5 ta golli uzatmani amalga oshirdi.