"Челси" ҳужумчиси Ромелу Лукаку "Интер"га ижарага берилди, дея хабар беради журналист Фабрицио Романо.
Манбага кўра, 29 ёшли бельгиялик келаси ҳафтада Миланда тиббий кўрикдан ўтади. Қайд этилишича, “Интер” ижара учун 8 миллион евро тўлайди, “Челси” яна 4 миллион еврони бонус сифатида олиши мумкин.
Лукакунинг ўзи маошини йилига 12 миллион евродан 8 миллион еврогача камайтиришга рози бўлган.
2021/22 йилги мавсумда ҳужумчи “Челси” сафида барча турнирлар доирасида 42 та ўйинда майдонга тушиб, 13 та гол урди ва 5 та голли узатмани амалга оширди.
