West Ham Zone xabariga ko‘ra, "Vest Xem" "Brentford"ning daniyalik yarim himoyachisi Kristian Eriksenga qiziqish bildirmoqda.
Manba bergan xabarga ko‘ra, London klubi yozgi transfer oynasida futbolchini sotib olmoqchi. Yarim himoyachining "Brentford" bilan shartnomasi iyun oyi oxirida tugaydi, shuning uchun u boshqa klubga tekinga o‘tishi mumkin.
Oldinroq Eriksen "Manchester Yunayted"ga o‘tishdan bosh tortgani haqida xabar berilgandi. Futbolchiga "Tottenxem" ham qiziqmoqda.
30 yoshli yarim himoyachi o‘tgan mavsumda "Brentford" safida 11 o‘yinda maydonga tushib, bitta gol va 4 golga assistentlik qilgan. Uning klub bilan shartnomasi 2022 yilning iyunigacha mo‘ljallangan.