"Manchester Siti" "Milan"ning portugaliyalik hujumchisi Rafael Leauga navbatdagi da’vogarga aylandi, deb yozadi jurnalist Nikolo Skira o‘zining Twitter sahifasida.
Manbaga ko‘ra, ingliz klubi yozgi transfer oynasida futbolchini sotib olishi mumkin. Portugaliyalik hujumchi "shaharliklar" tarkibida Raxim Sterlingni almashtirishi mumkin.
"Milan" futbolchini sotmoqchi emas, ammo 100 million yevrolik taklifga rozi bo‘lishi mumkin.
Oldinroq, Leau "PSJ" va "Real" qiziqishlari doirasida ekani xabar qilingandi.
22 yoshli forvar o‘tgan mavsumda "rossonerilar" safida barcha turnirlarda 41 o‘yinda maydonga tushib, 14 gol urdi va 8 golga assistentlik qildi. Uning klub bilan shartnomasi 2024 yilning yoziga qadar mo‘ljallangan.
