"Манчестер Сити" "Милан"нинг португалиялик ҳужумчиси Рафаэль Леауга навбатдаги даъвогарга айланди, деб ёзади журналист Николо Скира ўзининг Twitter саҳифасида.
Манбага кўра, инглиз клуби ёзги трансфер ойнасида футболчини сотиб олиши мумкин. Португалиялик ҳужумчи "шаҳарликлар" таркибида Рахим Стерлингни алмаштириши мумкин.
"Милан" футболчини сотмоқчи эмас, аммо 100 миллион евролик таклифга рози бўлиши мумкин.
Олдинроқ, Леау "ПСЖ" ва "Реал" қизиқишлари доирасида экани хабар қилинганди.
22 ёшли форвар ўтган мавсумда "россонерилар" сафида барча турнирларда 41 ўйинда майдонга тушиб, 14 гол урди ва 8 голга ассистентлик қилди. Унинг клуб билан шартномаси 2024 йилнинг ёзига қадар мўлжалланган.
