Amsterdamning “Ayaks” klubi hujumchisi Sebastyan Aller faoliyatini Dortmundning “Borussiya”sida davom ettiradi, deya xabar bermoqda jurnalist Fabrisio Romano o‘z sahifasida.
Manbaning xabariga ko‘ra, nemis klubi 27 yoshli futbolchining transferi uchun 35 million yevro to‘laydi. Shuningdek, Dortmundning "Borussiya"si ham Aller bilan shaxsiy shartnoma shartlarini kelishib olgan. Yaqin orada hujumchi tibbiy ko‘rikdan o‘tadi va kerakli hujjatlarni imzolaydi.
Eslatib o‘tamiz, Aller 2021 yilning yanvarida "Vest Xem Yunayted"dan 22,5 million yevro evaziga Amsterdam klubi futbolchisiga aylangandi. Ivuarlik futbolchi klub uchun 65ta o‘yinda 47ta gol urdi va 16ta golli uzatmani amalga oshirdi.
