Амстердамнинг “Аякс” клуби ҳужумчиси Себастьян Аллер фаолиятини Дортмунднинг “Боруссия”сида давом эттиради, дея хабар бермоқда журналист Фабрицио Романо ўз саҳифасида.
Манбанинг хабарига кўра, немис клуби 27 ёшли футболчининг трансфери учун 35 миллион евро тўлайди. Шунингдек, Дортмунднинг "Боруссия"си ҳам Аллер билан шахсий шартнома шартларини келишиб олган. Яқин орада ҳужумчи тиббий кўрикдан ўтади ва керакли ҳужжатларни имзолайди.
Эслатиб ўтамиз, Аллер 2021 йилнинг январида "Вест Хем Юнайтед"дан 22,5 миллион евро эвазига Амстердам клуби футболчисига айланганди. Ивуарлик футболчи клуб учун 65та ўйинда 47та гол урди ва 16та голли узатмани амалга оширди.